moon314.in-goo.com


 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 كلمات اغانى سيدة الشرق أم كلثوم (حيرت قلبى _ أغدا ألقاك _ لي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
روعه الاحساس
المدير العام
المدير العام
avatar

انثى
عدد الرسائل : 203
العمر : 24
تاريخ التسجيل : 25/05/2007

مُساهمةموضوع: كلمات اغانى سيدة الشرق أم كلثوم (حيرت قلبى _ أغدا ألقاك _ لي   الجمعة يوليو 20, 2007 12:27 pm

حيرت قلبي معاك وانا بداري وخبي
قل لي اعمل إيه وياك ولا أعمل إيه ويا قلبي
بدي، أشكي لك من نار حبي بدي أحكي لك علّي في قلبي
وأقول لك علّي سهرني وأقول لك علّي بكاني
وأصور لك ضنى روحي وعزة نفسي منعاني
*********
يا قاسي بص في عينيّ وشوف إيه انكتب فيها
دي نظرة شوق وحنيه ودي دمعة بداريها
وده خيال بين الأجفان فضل معاي الليل كله
سهرني بين فكر وأشجاني وفات لي جوه العين ظله
وبين شوقي وحرماني وحيرتي ويا كتماني
بدي أشكي لك من نار حبي
بدي أحكي لك علّي في قلبي
وأقول لك علّي سهرني وأقول لك علّي بكاني
وصور لك ضنى روحي وعزة نفسي منعاني
يا ما ليالي.. أنا وخيالي، أفضل أصبر روحي بكلمة يوم قلتهالي
وبات أفكر... فلّي جرى لك.. واللي جرى لي
وأقول ماشافش الحيرة عليّ لما بسلم
ولا شافش يوم الشوق في عيني راح يتكلم
وارجع اسامحك ثاني وحن لك وألقاني
بدي أشكي لك من نار حبي
بدي أحكي لك علّي في قلبي
وأقول لك علّي سهرني وأقول لك ع بكاني
وأصور لك ضنى روحي وعزة نفسي مانعاني
*****
خاصمتك بيني وبين روحي وصالحتك وخاصمتك تاني
وأقول ابعد يصعب علي روحي تطاوعني ليزيد حرماني
حفضل احبك من غير ما أقولك إيه الّي حير أفكاري
لحد قلبك ما يوم يدلك على هواي المداري
ولما يرحمني قلبك ويبان لعنيَّ هواك
وتنادي علي انشغل بك وروحي تسمع نداك
أرضى أشكي لك من نار حبي
وابقى أحكي لك علّي في قلبي
وأقولك ع اللي سهرني وأقولك علّي بكاني
وأقولك يا قلبي ليه تخبي وليه يا نفسي مانعاني
-------------------------------------------------

أغداً ألقاك
شعر: الهادي آدم
غناء: أم كلثوم


أغداً ألقاك يا خوف فؤادي من غدٍ
يالشوقي وإحتراقي في إنتظار الموعد
آه كم أخشى غدي هذا وأرجوه إقترابا
كنت أستدنيه لكن هبته لما أهابا
وأهلت فرحة القرب به حين استجابا
هكذا أحتمل العمر نعيماً وعذابا
مهجة حرة وقلباً مسه الشوق فذابا
أغداً ألقاك

أنت يا جنة حبي واشتياقي وجنوني
أنت يا قبلة روحي وانطلاقي وشجوني
أغداً تشرق أضواؤك في ليل عيوني
آه من فرحة أحلامي ومن خوف ظنوني
كم أناديك وفي لحني حنين ودعاء
آه رجائي أنا كم عذبني طول الرجاء
أنا لو لا أنت لم أحفل بمن راح وجاء
أناأحيا لغد آن بأحلام اللقاء
فأت أو لا تأتي أو فإفعل بقلبي ما تشاء
أغداً ألقاك

هذه الدنيا كتاب أنت فيه الفكر
هذه الدنيا ليال أنت فيها العمر
هذه الدنيا عيون أنت فيها البصر
هذه الدنيا سماء أنت فيها القمر
فإرحم القلب الذي يصبو إليك
فغداً تملكه بين يديك
وغداً تأتلف الجنة أنهاراً وظلاّ
وغداً ننسى فلا نأسى على ماضٍ تولّى
وغداً نزهو فلا نعرف للغيب محلا
وغداً للحاضر الزاهر نحيا ليس إلا
قد يكون الغيب حلواً .. إنما الحاضر أحلى
أغداً ألقاك

-----------------------------------------

ليلة وليلة
كلمات: مرسي جميل عزيز
غناء: أم كلثوم


يا حبيبي .. الليل وسماه .. ونجومه وقمره وسهره
وإنت وأنا .. يا حبيبي أنا .. يا حياتي أنا
كلنا في الحب سوا .. والهوى .. آه منه الهوى
سهران الهوى .. يسقينا الهنا .. ويقول بالهنا
يا حبيبي .. يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة


* * *

إزاي أوصف لك يا حبيبي إزاي .. قبل ما أحبك كنت إزاي
كنت ولا امبارح فاكراه .. ولا عندي بكره أستناه
ولا حتى يومي عايشاه
خدتني بالحب في غمضة عين .. وريتني حلاوة الأيام فين
الليل بعد ما كان غربة مليته أمان
والعمر اللي كان صحرا صبح بستان
يا حبيبي .. يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة


* * *

يا حبيبي إيه اجمل م الليل واتنين زينا عاشقين
تايهين ما احناش حاسين العمر ثواني والا سنين
حاسين اننا بنحب وبس
عايشين لليل والحب وبس
يا حبيبي الحب حياتنا وبيتنا وقوتنا
للناس دنيتهم واحنا لنا دنيتنا
وإن قالوا عن عشاقه بيدوبوا في نار أشواقه
أهي ناره دي جنتنا
الحب عمره ما جرح .. ولا عمر بستانه طرح
غير الهنا وغير الفرح
يا حبيبي يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة


* * *

يا قمر ليلي .. يا ظل نهاري .. يا حبي .. يا أيامي الهنية
عندي لك أجمل هدية
كلمة الحب اللي بيها .. تملك الدنيا وما فيها
واللي تفتح لك كنوز الدنيا ديه .. قولها ليه
قولها للطير .. للشجر .. للناس .. لكل الدنيا .. قول
الحب نعمة .. مش خطية
الله محبة .. الخير محبة .. النور محبة
يا رب تفضل حلاوة سلام أول لقا في ايدينا
وفرح أول ميعاد منقاد شموع حوالينا
ويفوت علينا الزمان يفرش أمانه علينا
يا رب
لا عمر كاس الفراق المر يسقينا
ولا يعرف الحب مطرحنا ولا يجينا
وغير شموع الفرح ما تشوف ليالينا
يا حبيبي يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة
---------------------------------------------------------



_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://moon314.in-goo.com
 
كلمات اغانى سيدة الشرق أم كلثوم (حيرت قلبى _ أغدا ألقاك _ لي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
moon314.in-goo.com :: قسم الاغانى :: قسم خاص لكلمات الاغانى العربيه والاجنبيه-
انتقل الى: